top of page
細葉榕2024月曆
一月故事
插畫創作人 : 阿塗
人物故事
「終於離開呢個鬼地方！沙嗲牛麵凍檸樂真係好好味！但係⋯⋯
茶記老細係咁放住我，係咪因為我坐過⋯⋯
阿細同容仔返緊工，約打機食茶記都唔應機⋯⋯
我都想返工，但舊公司同事一見係我就已讀不回，行家都走夾唔唞⋯⋯
條街啲口罩鋪無晒，食開間雲吞麵都無埋，連去公園條捷徑都Block咗⋯⋯
得我自己一個，可以去邊？可以點樣行落去？」
——阿朗，23歲，因抗爭入獄兩年，剛獲釋
主角背景
阿朗係啱啱出獄嘅手足。喺監倉入面嘅生活同外面非常唔同，出返嚟之後佢都未適應到出面嘅節奏。而外面嘅世界喺佢坐緊監嗰陣又變咗好多，佢一時之間覺得自己好似同個世界脫咗節咁。
刑期結束對被判刑嘅手足嚟講就好似一天都光曬咁，但事實上好多手足喺出獄之後都要面對好多挑戰。有啲手足要守一至兩年監管令，有人因為有案底而要轉行做其他工，有人出咗嚟之後繼續有情緒困擾。手足們嘅生活看似可以重回正軌，但係唔係真係咁呢？
編者的話
新一年理應充滿希望咁開始，但月曆中一月嘅故事比較沉重。故事嘅主角其實係準備開始一個新生活，而伴除改變而嚟嘅有時會係興奮，有時會係擔心，亦可能會係迷惘。我哋咁樣編排個故事係因為我哋想帶出一開始會有「開啟新生活時嘅不安」，但呢種情緒只係暫時嘅。暴雨過後定會天晴。
如果想知道其他月份嘅故事背景或者補充資料，記得每個月都scan吓嗰一頁嘅QR code啦！
bottom of page